burzōy vāzīggōš

mard-ē būd mardān nām. mardān rāy ped nazdīkīh ī šahrestān ī dārāygird bāv-ē būd vazurg ; u-š andar bāv ābaxvarr, kark-iz ud sī ēcand.     

rōz-ē mardān vigrād ; dīd kū-š tan saxt dardēn ud ranzvar ast, ud nē šāyed abar āxistan. pas ō burzōy guft kū : do sī abar gīr, u- šān ō šahrestān bar, bē frōš ud dārūg-ē bē xrīn !

burzōy cōbag-ē cīd, do sī vizīd, ud rāh ī šahrestān grift. 

nazdīk ī draxt-ē rasīd, azēr ī hō draxt mihrag xvaft būd ī ped espanz-ē nazdēk ī bāv espasag būd. 

burzōy navīd, u-š šīšag ī hur az sabad ī mihrag abar dāšt ud burd, u-š sar ī šīšag višād ud hur andar galōg ī sīān rīxt. 

do sī mast bālag zad hend ; burzōy hamē xannist.

pas ped cōbag do sī pēš rānd hend. sīīhā škarvīd hend. ēn vāzīg burzōy sar garm kird, u-š pid ī vēmār az āyād burd, bē ō vāzīg ud xannag ēstād. 

pas burzōy ō rōdxānag-ē rasīd, tar-aš alvār-ē būd. burzōy harv cē kird sīīhā az rōy ī hān nē šud hend.

harv do xvad ped āb zad hend ud dūr šud hend.

burzōy ēcand zamān kanār ī āb nišast ud griyist ; ō xvēš guft kū-m vehdar kū ō xānag abāz šavam ud dādestān harv cē būd rāstīhā ō mādar ī xvēš gōbam.  

pas ō xānag mad. ka mādar soxan ī burzōy ašnūd xēšmēn būd, bē-š ōy nē zad, cē burzōy rāst guft. bē ō mihrag peygām frēstīd ud aziš būzišn xvāst.

(Z. Behrōz, 1324/ 1945)