fradum mādayān

xēm-ē hān veh kē hān cē ped xvēš nē nēk ped ōy ī did nē kuned. ud xrad-ē hān veh kē nēkīh ī mad ēsted bar dāned xvardan, ud anāgīh ī nē mad ēsted rāy vahāg nē bared. ud vīr-ē hān veh kē hān cē nē dāned dāned kū nē dānam.

harv kas dōst bāš, u-t ēd xēm. u-šān  ped vehīh niger, u-t ēd xrad. u-šān ped xvēš dār, u-t ēd dēn. u-šān nēkīh pediš kun, u-t ēd ruvān.

xēm hān kē kas nē frēbed. xrad hān kē xvad nē frēbed. ud dēn hān kē hān cē ī dāned kū kirbag, kuned.

kē hān cē ī dāned kū kirbag, ud nē kuned, hān tarmenišnīh ī xēm pedyārag. kē hān cē ī dāned kū vināh, ud kuned, hān varanīgīh, varanīgīh xrad pedyārag. kē hān cē ī nē dāned kū kirbag ayāb vināh, ud pēš dā ō dānišn rased kuned, hān xvaddōšagīh, xvaddōšagīh dēn pedyārag.

xēm xrad andar nēst, ud xrad xēm andar, ud dēn harv do andar –xrad ud xēm. tis ī mēnōg ped xēm virāstan dānīhed, tan ped xrad dārīhed, ruvān ped hamīh ī harv do būzīhed.

šarm hān baved kē vināh nē hiled kirdan ; ud nang hān baved kē kirbag nē hiled kirdan.

xrad andar kār, ud xēm andar pādixšāyīh, ud dōst andar vidang pēdāg.

vāzag ō ōy gōbišn kē vīr ōn kū frāz gīred, uš ōn kū bē jōyed, ud xrad ōn kū ōy ī did veh tuvān kirdan.

vīr kār ēd tis xvāstan ; uš kār ēd ganzvarīh kirdan ud tis ī vīr xvāst nigāh dāštan ; xrad kār ēd vizīdārīh kirdan, ud veh ud vattar šnāxtan, hān ī veh griftan ud hān ī vattar hištan.
(Dk vi)