Pārsīg
The story of a priest who married off his daughter to a bear
dādestān ī dastvar kē duxtar ī xvēš ō xirs-ē dahed
|
This story was narrated in Persian verse by Dastvar Nōšervān ī Marzbān who lived in Kirman (Persia, 17th century). Two copies of this story are found in India:
A: Bombay University Library, Volume LXVI, 1a-10a, قصهء دختر موبد با خرس دادن بعدش رفتن و عجايبها ديدن B: Khudabakhsh Oriental P. Library, Patna, N° 3766, 415b-419b, قصهء دختر موبد با خرس و کيفيت مثل نمودن ازپند Here is the Pārsīg rendering of the story: |
dastvar nōšervān ī marzbān ped dahum sadag ī yezdegirdīg ped kirmān hamē zīst. andar do nāmag ī bahman espedyār ī suratī az kirmān ō hindūgān būm burd, nām ī ōy mad ested abāg hān ī-š do brādar, frēdōn ud bahrām : ēk nibišt ēstād ped ādar rōz tīr māh kahvan sāl 996 pas az yazdegird, ud ēk ped ādar rōz vahman māh kahvan ī ham sāl (= 26-27 Aug. 1627 A.D.). ped hān sāl ōy zarmān būd, cē nāmagīhā ī pusar ī ōy dastvar rustam pas az hān zamān nibišt, nām ī ōy nē burd. dastvar nōšervān ē-cand gāh rāyēnīd. ēdar āzend ī-š frāz srūd ested :
|
andar xvadāyīh ī husrō anōšervān muv-ē būd xradumand, anāzār ud dahm. ōy rāy duxt-ē būd nēkōg, bē agrift ud abēšōy; kas-iz nē mad dā-š ō zanīh xvāstan. pid vas andōh xvard, u-š cārag nē dānist. pas rōz-ē abāg xvēštan guft kū: « agar-z xirs-ē bē āyād ud duxtar ī man bē xvāhād ped abargarān sōgand kū-š andar zamān ped zanīh aviš bē dahām, ā-m az andōh ī grān bē rahām. »
ka haftag-ē uzīd, ped aštum rōz tan ēcand ō ādurān šud hend u-šān ō muv ēn guft kū: « nūn xirs-ē ō dahliz ī xānag-at pand pāyed, pargast duxtar-at ped zanīh xvāhād! »
ka muv ēd soxan ašnūd zūd bē šud, ka ō xirs rasīd guft kū: « drust āmad hē! » u-š dast ī xirs grift, andar srāy burd, ō nišast gyāg ud gāh ped ēvēn nīd ud nišānd. ō xirs xvāhišn kird kū: « vāz framāy griftan ud xvarišn xvardan! »
muv az soxan ī xvēš nē vašt u-š mihr nē druxt, duxtar ī xvēš ped kadagbānūgīh ō hān ī xirs dād. u-š bēš nē burd, bē ped dil šād būd.
muv ō xirs guft kū: « ē duxt ī ēvtāg ī man ast, u-š ped zanīh ō tō daham. nūn ē vayūg ō xānag ī xvēš bar, u-š mā bēš, bē-š ped gyān ud dil burz, u-š huram ud šād dār! »
dad ped pāsox guft kū: « ēd peymān ī zanīh rāy ēc bēš ud tēmār mā bar! cē agar rōz-ē ō dīdan ī duxtar ī xvēš āyāy, ā-š šād vēnāy. pas ka kāmē madan, rāh ō dōšastar rōn gīr. ud ka si rōz andar viyābān ravē, ped cahārum rōz ō mān ī amā rasē. harv cē ped rāh vēnē u-t abd sahed ped daxšag dār, u-m abāz gōb kū-t-ašān rāz ēk ēk bē vizāram. »
muv hamdādestān būd.
xirs bē šud ziyānag abāg. cōn jumā ō xānag rasīd hend, mērag hamzamān ō mardōm kirb vihirīd. ziyānag ped dīdan ud tanvār ī ōy abd sahist, āfrīn kird ud guft kū: « anōšag bē, vispuhr ī mardān pahlum! »
mērag jār jār ped xirs kirb ō dašt ud razūr šud, ō nahcīr franaft, nahcīr ōh xvist, u-š rōzīg āvurd. andar xānag ōy ped kirb mard būd juvān, cābuk ud mihrbān ud mihrag. duxt ud xirs jumā šād zīst hend.
ē-sāl saxt. muv dīdan ī duxtar ī xvēš saxt ārzōg būd. ēdōn handāxt kū ēvarz kuned. pas ped hān rāh šud cōn xirs nimūd būd.
ka ēcand hāsr az mān ī xvēš dūr būd, marvzār-ē dīd kam-āb ud andak-vāstar, u-š vas gāv dīd hend ī ped tan frabih. muv ka-š ped ēn ēvēnag dīd abd sahist, ped daxšag dāšt, ud bē vidašt.
did ō marvzār-ē rasīd abāg ābān ud urvarān ī vas ud purvāstar; u-š gāv ēcand dīd hend ped carag, bē nizār, ped tan kirs, kē az xvardan ud xvārdan pahrixt hend, muv ka-š ēn dīd škeft shaist, ud bē vidašt.
u-š mard-ē andar viyābān dīd kē ēsm hamē škast, udhān ī-š puštag purr az hēmag būd, u-š hān puštag abar dāštan nē šāyist, bē-š did ēsm škast ud abar puštag nihād. muv ēn dīd ud bē vidašt.
pas ō dašt-ē rasīd, ānōh kōf-ē dīd, ped dāman ī kōf tāg-ē būd, u-š murv-ē dīd kōcak ud hugōn ud tanē ī az hān tāg bērōn mad, zamān-ē ul vāzīd, ud andak andak vālīd ud ēdōn vazurg būd kū didum andar hān tāg nē šāyist šudan. muv ēn dīd, u-š škeft sahist, az ānōh bē šud.
pas ō gyāg-ē rasīd u-š grōh-ē dīd kē-šān xvaršn hixr ud rīd būd, –hān ī xvad vāmend ud rīyend ud peššenzend, hān-z ī tōrag ud gurg ud haftār ud abārīg xrafstarān. pas cōn škeft vād vidašt.
cahārum rōz bāmdād ō viyābān-ē rasīd ī-š karān abēdāg. andar hān viyābān diz-ē dīd buland. jahišn ī nēk rāy andar hān ī ka muv ō pāy ī diz mad, duxt ī xvēš ped bām ī diz būd. xirs ped kār-ē šud ēstād. zan ka-š frōd nigerīd, pidar ī xvēš dīd. tēz frōd mad, ērkaš namāz burd ud guft kū: « drust visāy, pidar ī grāmīg, bē framāy andar āmadan! »
pid drod pursīd. duxt guft kū: « āzādīh yazdān rāy kū-m ēdōn šōy ast vehmard ī rād ī hubarišn. amāh andar ēn mān šād zīvem. »
avēšān andar ēn drenzišn būd hend kū dāmād frāz rasīd. ziyānag xvān vistard. mērag ō muv xvāhišn kird kū: « vāz framāy griftan ud xvarišn xvardan! »
ka-šān az xvarišn pardaxt būd hend, xirs may ud sprahm āvurd. naxvist xvad ē jām xvard, pas muv, pas ziyānag, u-šān ēk ō did “anōš bēh” guft.
muv az mērag pursīd kū: « cim ped do kirb hē, mardōm ud xirs? »
mērag pāsox kird kū: « pidar kē an aziš būd ham hērbed-ē būd dānāg, ud mādar kē-š an pus būd ham perīg būd. u-m az pidar dēn hamuxt, ud az mādar kirb-vihirīh. »
pas mērag az muv pursīd kū: « rāh cōn būd, u-t cē dīd? »
muv harv cē ped rāh dīd estād bē guft.
pas mērag guft kū: « fradum, ānōh kū-t marvzār dīd kam-āb-ud-giyāh, u-t vas gāv dīd hend frabih, handāzag ī mardōmān ī-šān dōšārm ī ruvān nē, kirbag nē hambārend bē aškamb, xvāstag ī kārān ī nē xvēš ō xvēš kunend, u-šān dād abārōn, uzvān frēb, ud cašm āz; ka mīrend, durvand bend, ud nigūsār ō dušox ōftend.
didīgar, ānōh kū-t marv dīd pur-āb-ud-giyāh, bē vas gāv andar hān gyāg dīd hend nizār, handāzag ī mardōmān ī ruvān-dōšārm ī menōg-handēš kē ped hān ī brihēnīd ēsted hunsand hend, kirbag varzend, rāh frārōn ud ēvēn ī dād gīrend; ka mīrend, ahlō bend, ud frāz ō garōdmān ī hamēxvārīh šavend.
sidīgar, hān ēsmkaš ī-t dīd kē-š puštag az hēmag purr būd bē-z hēmag škast ud abar bār nihād, handāzag ī mard-ē ast ī purvināh, kē-z az bazag kirdan abāz nē ēsted, ō bār ī vināh abzāyed, ud tan ī pasēn ud ristāxēz rāy vahāg nē bared; ka mīred durvand ud pašīmān baved.
tasum, hān murv ī-t dīd ī kōcak kē and and vazurg būd kū andar tāg abāz nē šāyist šudan, handāzag ī soxan ast ka-š gōbē ō dahan andar abāz nē šāyed madan. ēd rāy soxan abāg gyān pardaz kū dā pašīmān nē bavāy.
panzum, mardōm kē hixr ud rīd hamē xvard handāzag ī mardōmān hend ī āzumand kē ō xvāstag ī driyušān ud vēvagān cašm dōzend, u-šān xīr ped vināh barend ud xvarend, ka-šān abām dahend vaxš grān stānend, ud zyān ī grān aziš baved. »
ka muv ēd hangōšīdag ašnūd, ō mērag “zihāzih” guft. harv si huram būd hend. amāh-iz.
Transl. by R. Asha
drawings: Farzaneh Goldoust
drawings: Farzaneh Goldoust
|
|||||
